नेपाली खबरीलाल
ड्यालस, टेक्सस
नेपाल अमेरिका पत्रकार संघ (नेजा) ले आफ्नो स्थापना दिवसको अवसरमा रक्तदान कार्यक्रम आयोजना गर्ने भएको छ।
संस्थाको स्थापना दिवसका अवसरमा नेजाले यही अप्रिल १९, आइतबारका दिन नेपाली सांस्कृतिक तथा आध्यात्मिक केन्द्र, युलेशको परिसरमा रक्तदान कार्यक्रम आयोजना गर्न लागेको नेजाका क्षेत्रीय संयोजक ओम आचार्यले जानकारी दिनुभयो।
क्षेत्रीय संयोजक आचार्यका अनुसार समुदायमा रगतको अभाव न्यूनीकरण गर्न सहयोग गर्ने उद्देश्यले उक्त कार्यक्रम आयोजना गर्न लागिएको हो।
ब्लड डोनर्स अफ अमेरिका (बिडिए) टेक्सस च्याप्टर तथा यूथ मेडिकल एलायन्स एसोसिएसनको सहयोगमा आयोजना हुन लागेको यस रक्तदान कार्यक्रममा सहभागी भई रक्तदान गर्न नेजाले पत्रकारहरू तथा नेपाली समुदायलाई अनुरोध गरेको छ।
नेपाल अमेरिका पत्रकार संघ(नेजा) ले हरेक बर्ष रक्तदान कार्यक्रम लगायत बिभिन्न रचनात्मक कार्यक्रम आयोजना गरि आफ्नो स्थापना दिवस मनाउदै आएको छ ।