नेपाली खबरीलाल
ड्यालस, टेक्सास
प्रवासी नेपाली मन्च टेक्सासले ड्यालसमा दूताबास सेवा कार्यालय स्थापनाको लागि प्रधानमन्त्री तथा नेकपा (एमाले) का अध्यक्ष केपी ओलीको ध्यानाकर्षण गराउने भएको छ ।
प्रधानमन्त्री केपी ओलीको आसन्न अमेरिका भ्रमणका क्रममा प्रवासी नेपाली मन्च टेक्सास च्याप्टरले बिगत देखि गरिएको पहलको स्मरण गराउदै कार्यान्वयनको लागि पुन ः ध्यानाकर्षण गराउने भएको हो ।
नेपाली समुदायको बाक्लो बसोबास रहेका टेक्सासको ड्यालसमा नेपाल सरकारको दूताबास कार्यालय स्थापना गर्ने सन्दर्भमा एक मत रहेको छ । नेपाली समुदायको भावनाको सम्मान गर्दै प्रवासी नेपाली मन्च टेक्सास च्याप्टरले बिगत लामो समय देखि नेपाल सरकारसँग पहल र पैरवी गर्दै आएको अध्यक्ष राजु नेपालले नेपाली खबरीलाल अनलाईनलाई बताउनु भयो ।
प्रवासी नेपाली मन्च टेक्सास च्याप्टरले तत्कालिन परराष्ट्र मन्त्री प्रदीप ज्ञवालीलाई भेटेर ड्यालसमा दूताबास सेवा कार्यालय स्थापनाको आबश्यकता र औचित्यताको वारेमा जानकारी गराउँदै ज्ञापन पत्र बुझाएको जनाएको छ । हामीले गत साउन ४ गते नेकपा (एमाले) का अध्यक्ष तथा प्रधानमन्त्री केपी ओलीलाई कार्यालयमा नै भेटेर ज्ञापन पत्र बुझाएका थियौं । उहाँ अमेरिका भ्रमणका क्रममा गैरआवासीय नेपाली समुदायसँग भेटघाट गर्ने कार्यक्रम रहेको छ । हामी बिगतका पहलको स्मरण र ड्यालसमा कन्सुलर अफिसको आबश्यकता र औचित्यताको वारेमा प्रवासी नेपाली मन्चको तर्फबाट भेट्ने कार्यक्रम रहेको टेक्सस च्याप्टरले जनाएको छ ।
यसै गरि टेक्ससको ड्यालसमा कन्सुलर अफिस स्थापनाको लागि टेक्सासका रहेका नेपाली समुदायका सँस्थाहरुले पनि प्रधानमन्त्री तथा परराष्ट्र मन्त्री आरजु राणालाई ज्ञापन पत्र बुझाउने कार्यक्रम रहेको बताईएको छ । टेक्सासका नेपाली समुदायले बिगत लामो समय देदि टेक्सासको ड्यालसमा कन्सुलर अफिसको माग गर्दै आएका छन ।
टेक्सासको ड्यालसमा कन्सुलर अफिस स्थापना भएमा टेक्सास लगायत आसपासमा रहेका करिब १५ राज्यमा बसोवास गर्ने नेपाली समुदाय लाभान्वित हुने नेपाली समुदायका अगुवाहरु बताउँछन ।
