नेपाली खबरीलाल
ड्यालस, टेक्सस
नेपाली जनसम्पर्क समिति, अमेरिका (NPRCA) अन्तर्गतका विभिन्न राज्य तथा क्षेत्रीय च्याप्टरहरूमा नयाँ नेतृत्व चयन गरिएको छ। यही डिसेम्बर २० र २१, २०२५ मा सम्पन्न अधिवेशनमार्फत सबै च्याप्टरमा सर्वसम्मत रूपमा नयाँ नेतृत्व चयन गरिएको हो।
नेपाली जनसम्पर्क समिति, अमेरिकाका विभिन्न राज्य तथा क्षेत्रीय च्याप्टरहरूमा सर्वसम्मत नयाँ नेतृत्व चयन भएकोप्रति राष्ट्रिय समितिका सभापति आनन्द विष्ट ले खुशी व्यक्त गरेका छन्। उनले एक विज्ञप्ति जारी गर्दै सबै च्याप्टरमा निर्वाचित सभापति तथा पदाधिकारीहरूलाई हार्दिक बधाई तथा सफल कार्यकालको शुभकामना व्यक्त गरेका छन्।
सभापति विष्टले विभिन्न राज्यबाट प्रतिनिधित्व गर्ने च्याप्टरहरूले सहमति र समझदारीका आधारमा नयाँ नेतृत्व चयन गर्नु प्रवासी नेपाली समुदायका लागि सकारात्मक र प्रेरणादायी उदाहरण बनेको विज्ञप्तिमार्फत उल्लेख गरेका छन्।
नव–निर्वाचित नेतृत्वलाई बधाई दिँदै उनले संगठनलाई आगामी दिनमा अझ सशक्त, समावेशी र क्रियाशील बनाउने दिशामा सबैले एकजुट भएर अघि बढ्न आग्रहसमेत गरेका छन्।
