नेपाली खबरीलाल
ड्यालस, टेक्सस
नेपाली जनसम्पर्क समिति ड्यालसले टेक्ससका बिभिन्न बिश्वबिद्यालयमा अध्ययनरत ९० जना नेपाली अन्तराष्ट्रिय बिद्यार्थीहरुलाई एक महिनाको लागि खाद्य सामग्री सहयोग गरेकौ छ । नेपाली अन्तराष्ट्रिय बिद्यार्थीहरुलाई तत्काल राहात होस भनेर कम्तीमा एक महिनाको लागि पुग्ने खाद्यान्न सामग्री सहयोग गरिएको नेपाली जनसम्पर्क समिति ड्यालसका सभापति ज्ञानेन्द्रराज कार्कीले बताउनु भयो ।
अमेरिकाको पछिल्लो राजनैतिक घट्नाक्रमबाट उत्पन्न परिस्थितीमा नेपाली अन्तराष्ट्रिय बिद्यार्थीहरुलाई कम्तीमा एक महिनाको खाद्यान्न सामग्री सहयोग गर्न ड्यालस फोर्टवर्थका नेपाली समुदायले अभियान संचालन गरिरहेका छन ।
आफ्ना सदस्य तथा शुभचिन्तकहरुबाट खाद्यान्न सामग्री सहयोगका लागि संकलन गरिएको रकम अभियानको समन्वय गरिरहेको संस्था नेपाली समाज टेक्ससलाई हस्तान्तरण गरिएको छ । नेपाली जनसम्पर्क समिति ड्यालसका सभापति ज्ञानेन्द्रराज कार्कीले नेपाली समाज टेक्ससका बरिष्ठ उपाध्यक्ष जनक भण्डारीलाई सहयोग रकमको चेक हस्तान्तरण गर्नु भएको नेपाली जनसम्पर्क समिति ड्यालसले जनाएको छ ।
नेपाली समुदायको तर्फबाट नेपाली समाज टेक्ससले संकलन भएको खाद्यान्न सामग्रीको व्यवस्थापन गरि सवारी साधन भएका बिद्यार्थीहरुलाई पशुपतिनाथ मन्दिर युलेश र सवारी साधन नभएका बिद्यार्थीहरुलाई घरैमा लगेर बितरण गरिरहेको छ ।
पछिल्लो समय ड्यालस फोर्टवर्थ क्षेत्रमा सन्चालन भएको खाद्यान्न सामग्री बितरण अभियानले नेपाली अन्तराष्ट्रिय बिद्यार्थीहरुले राहात महसुस गरेका छन । अमेरिकाको पछिल्लो परिस्थितीबाट प्रभावित नेपाली अन्तराष्ट्रिय बिद्यार्थीहरुले खाद्यान्न सामग्रीका लागि नेपाली समाज टेक्ससमा सम्पर्क राख्न नेपाली जनसम्पर्क समिति ड्यालसले जानकारी गराएको छ ।
