ओएनएफ अमेरिकाको चौंथो राष्ट्रिय अधिबेशन टेक्सासको ड्यालसमा हुने

नेपाली खबरिलाल
ड्यालस, टेक्सस
प्रवासी नेपाली मन्च अमेरिकाको चौंथो राष्ट्रिय अधिबेशन टेक्सासको ड्यालसमा हुने भएको छ । मन्चको यही जनवरी ४ तारेखमा सम्पन्न तेइसौं बिस्तारित बैठकले आगामी जुन महिनाको ७ देखि ९ तारेख सम्म टेक्सासको ड्यालसमा आयोजना गर्ने निर्णय गरेको हो ।
बैठकले मन्चको चौंथो चौंथो राष्ट्रिय अधिबेशन सफल बनाउनका लागि मञ्चका उपाध्यक्ष गोकर्ण दाहालको संयोजकत्वम मूल ब्यबस्थापन कमिटी तथा अन्य बिभिन्न उप कमिटीहरु पनि गठन गरेको मन्चले जनाएको छ ।
मूल ब्यबस्थापन कमिटीको सचिवमा विजय भट्टराई र सदस्यहरुमा भुवन अधिकारी, मणि भण्डारी, संजय के सी, शंकर लुन्गेली, नेत्र पाण्डे, राजु नेपाल, मधुशुधन ज्ञवाली, लक्ष्मण थापा, मनिष थापा, डा. नवराज दाहाल र लक्ष्मण घिमिरे रहनु भएको छ ।
त्यसैगरि बैठकले उपाध्यक्ष गोपाल कंडेलको संयोजकत्वमा आर्थिक ब्यबस्थापन कमिटी, उपाध्यक्ष मैया ढुंगानाको संयोजकत्वमा अथिति सत्कार कमिटी गठन, उपाध्यक्ष भिम ओलीको संयोजकत्वमा प्रचार प्रसार कमिटी, सचिब छबि पाण्डेको संयोजकत्वमा प्रतिनिधि ब्यबस्थापन कमिटी, सांस्कृतिक बिभाग प्रमुख घनश्याम खनालको सँयोजकत्वमा सांस्कृतिक कमिटी गठन गरेको मन्चले जनाएको छ ।
बैठकले अधिबेशन गर्न बाँकी रहेका सम्पुर्ण राज्य कमिटीहरुको अधिबेशन यहि मार्च ३१, २०२५ भित्र अनिबार्य रूपमा सम्पन्न गरिसक्नु पर्ने र सम्पूर्ण राज्य कमिटीले अधिबेशन हुनुअघि नै प्रवासी नेपाली मंचको सदस्यता नबिकरण र नयाँ सदस्यहरु बनाउने निर्णय गरेको छ ।
प्रवासी नेपाली मन्च अमेरिकाका अध्यक्ष कृष्ण लामिछानेको अध्यक्षतामा सम्पन्न सो बिस्तारित बैठकमा प्रमुख अतिथि नेकपा एमाले केन्द्रीय सदस्य तथा अमेरिका इन्चार्ज घनश्याम पाण्डे, बिशेष अतिथि प्रबासी नेपाली मंच, अन्तराष्ट्रिय कमिटीका अध्यक्ष संजय थापा तथा अन्य अतिथिहरुमा अन्तराष्ट्रिय कमिटीका सचिवालय सदस्य तथा अमेरिका महादेश इन्चार्ज प्रभु थापा, सदस्य जानकी कार्की, अमेरिका महादेश कमिटीका संयोजक इश्वरी भट्ट, उप–संयोजक बुद्ध लामा, अन्तराष्ट्रिय कमिटी अन्तर्गत प्रचार विभागका सचिब कमल ओझा, मंचका अमेरिका सल्लाहकार संयोजक डा. रूद्र अर्याल, बुद्धिजीबी बिभाग संयोजक कुलमणि आचार्य रहनु भएको प्रचार बिभाग प्रमुख भिम ओलीले जानकारी दिनु भयो ।