नेपाली खबरिलाल
ड्यालस, टेक्सास
ड्यालसका बिभिन्न ३ स्थानमा आईतबार रक्तदान कार्यक्रमको आयोजना गरिने भएको छ ।
टेक्सासमा सकृय बिभिन्न ३ वटा सामाजिक सँस्थाहरुले एकै दिन बृहत रक्तदान कार्यक्रम आयोजना गर्न लागेका हुन । ब्लड डोनर्स अफ अमेरिकासँगको समन्वय तथा सहकार्यमा प्रवासी नेपाली मन्च टेक्सास राज्य कमिटी, लुम्बिनी सेवा समाज अमेरिका तथा ड्यालसमा सकृय बिभिन्न लाईन्स क्लबहरुको सहभागितामा डिस्ट्रिक द्द–ह्ज्ञ ले रक्तदान कार्यक्रम आयोजना गर्न लागेको ब्लड डोनर्स अफ अमेरिकाका उपाध्यक्ष शिब काफ्लेले जानकारी दिनु भयो ।
उपाध्यक्ष काफ्लेका अनुसार प्रवासी नेपाली मन्च टेक्सासले ठमेल बियर गार्डेन युलेशमा, लुम्बिनी सेवा समाज अमेरिकाले नेपाली पशुपतिनाथ मन्दिर युलेशमा र बिभिन्न लाईन्स क्लबहरुको सहभागितामा डिस्ट्रिक 2–X1 ले नर्थगेट अर्भिङमा रक्तदान कार्यक्रम गर्ने छन ।
रक्तदान गर्न ईच्छुक व्यक्तिहरुले आफुलाई पायक पर्ने स्थानमा गएर रक्तदान गर्न सक्ने छन ।
लुम्बिनी सेवा समाज अमेरिकाले हरेक बर्ष २ पटक रक्तदान कार्यक्रम आयोजना गर्दै आएको र त्यसैको निरन्तरता अन्तरगत यही नोभेम्बर २४ आईतबार रक्तदान कार्यक्रम आयोजना गर्न लागिएको समाजका महासचिब युधिष्टर नेपालले बताउनु भयो ।
यसैगरि प्रवासी नेपाली मन्चले रक्तदान कार्यक्रम सेवामूलक कार्य भएकाले रक्तदान कार्यक्रम आयोजना गर्न लागिएको जनाएको छ । रक्तदान गर्नु जीवनदान गर्नु भएकाले ठमेल बियर गार्डेन युलेशमा आयोजना गर्न लागिएको रक्तदान कार्यक्रममा सहभागि भएर रक्तदान गर्न अध्यक्ष राजु नेपालले सबैमा अनुरोध गर्नु भएको छ ।
डिस्ट्रिक 2–X1 ले आयोजना गर्न लागेको रक्तदान कार्यक्रममा ड्यालसमा सकृय १८ भन्दा बढी लायन्स क्लबहरुको सहभागिता रहेको छ । ड्यालसमा रहेका बिभिन्न लायन्स क्लबहरुले हरेक बर्ष रक्तदान कार्यक्रमको आयोजना गर्दै आएका छन । टेक्ससको ड्यालसमा नोभेम्बर २४ आईतबार आयोजना हुने रक्तदान कार्यक्रमको बारेमा आज ईनेप्लिज डट कम अनलाईन पत्रिकाले अन्तरक्रिया कार्यक्रम समेत आयोजना गरिको थियो ।
