नेपाली खबरीलाल
ड्यालस, टेक्सास
प्रवासी नेपाली मन्च टेक्सास च्याप्टरले एक बिज्ञप्ती प्रकाशित गरेर नेपाल सरकारले टेक्सासको ड्यालसमा कन्सुलर कार्यालय खोल्ने गरेको निर्णयको स्वागत गरेको छ । टेक्सस च्याप्टरका अध्यक्ष राजु नेपाल र सचिब मनिषजँग थापाले एक बिज्ञप्ती प्रकाशित गरेर नेपाल सरकार तथा यस कार्यमा सहयोग र समर्थन गर्ने सबैलाई नेपाली समुदायको तर्फबाट धन्यबाद समेत दिएका छन ।
प्रवासी नेपाली मन्च टेक्सासले बिगत लामो समय देखि टेक्सासको ड्यालसमा दूताबास सेवा कार्यालय स्थापनाको लागि निरन्तर पैरवी, पहल गर्दै आएको र प्रधानमन्त्री केपी ओली तथा परराष्ट्र मन्त्री आरजु राणाको अमेरिका भ्रमणका क्रममा समेत भेटेर दूताबास सेवा कार्यालयको मागलाई उच्च प्राथमिकताका साथ ध्यानाकर्षण गराएको बिज्ञप्तीमा उल्लेख छ । टेक्सासको ड्यालसमा दूताबास सेवा कार्यालय स्थापनाको लागि प्रवासी नेपाली मन्च टेक्सास च्याप्टरले नेपाली समुदायका अन्य सँस्थाहरुले गरेको पहलमा समेत ऐक्यबद्धता, समर्थन र सहयोग गरेको समेत स्पष्ट पारेको छ ।
नेपाल सरकारले टेक्सासको ड्यालसमा दूताबास सेवा कार्यालय खोल्ने औपचारिक निर्णय गरेपछि टेक्सासका नेपाली समुदाय उत्साहित भएका छन । टेक्सासमा सकृय नेपाली समुदायका बिभिन्न सँस्थाहरुले सामाजिक सन्जालमा स्टाटस तथा बिज्ञप्ती पोष्ट गरेर नेपाल सरकारको निर्णयको स्वागत गर्दै खुशी ब्यक्त गरेका छन ।
यसै गरि नेपाली जनसम्पर्क समिति ड्यालस फोर्टवर्थ च्याप्टर, नेपाली समाज टेक्सासले समेत सामाजिक सन्जालमा स्टाटस पोष्ट गर्दै ड्यालसमा कन्सुलेट कार्यालय स्थापना गर्ने सरकारको निर्णयको स्वागत तथा सहयोग गर्ने सबैलाई धन्यवाद दिएका छन ।
नेपाल सरकार मन्त्री परिषदको हालैको बैठकले अमेरिकाको टेक्सास, क्यालिफोर्निया र दुबईमा दूताबास सेवा कार्यालय स्थापना गर्ने निर्णय गरेको थियो । नेपाल सरकारले गरेको सो निर्णय राजपत्रमा प्रकाशित भएपछि कार्यान्वयनमा आउने छ ।
