नेपाली खबरीलाल
ड्यालस, टेक्सास
नेकपा(एमाले) का केन्द्रिय सदस्य बिन्दा ढुङ्गाना र एमाले निकट अनेरास्वबियूका अध्यक्ष समिक बडालको टेक्सासमा रहेका प्रवासी नेपालीहरुद्वारा ड्यालसमा स्वागत गरिएको छ ।
अमेरिका भ्रमणमा रहेका एमाले नेता ढुङ्गाना र बडाललाई आईतबार प्रवासी नेपाली मन्च टेक्सास राज्य कमिटीले ड्यालसमा स्वागत गरेको हो । उक्त अवसरमा एमाले नेता ढुङ्गाना र अध्यक्ष बडालले प्रवासी नेपाली मन्च टेक्सास राज्य कमिटीद्वारा मन्त्र रेष्टुरेन्ट फोर्टवर्थको सभाकक्षमा आईतबार प्रवासी नेपाली मन्च सम्बद्ध नेता कार्यकर्ताहरुसँग भेटघाट तथा अन्तरकृया गर्नु भएको थियो ।
प्रवासी नेपाली मन्च टेक्सास राज्य कमिटीका अध्यक्ष राजु नेपालको अध्यक्षता तथा सचिब मनिष थापाको सन्चालनमा सम्पन्न अन्तरकृया कार्यक्रममा बोल्दै नेकपा(एमाले) का केन्द्रिय सदस्य बिन्दा ढुङ्गानाले नेपाली डायस्पोराका सवालमा नेकपा (एमाले) गम्भिर रहेको बताउनु भयो । एमाले संविधान संशोधन गरेर डायस्पोराका सवाललाई सम्बोधन गर्न दृढ रहेको बताउँदै डायस्पोराले पनि प्रवासमा बसेर नेपाल प्रति निराशा होईन आशा जगाउने बिषयबस्तु सन्चार गर्न आग्रह गर्नु भयो ।
यसै गरि अनेरास्ववियुका अध्यक्ष बडालले नेपालको शिक्षा नीतिमा सुधार गर्नका लागि अवको शिक्षा नीति कस्तो हुनु पर्दछ भनेर बहस हुनु पर्ने आबश्यकता औंल्याउनु भयो ।
नेपालमा उद्धमशिल शिक्षा नभएका कारण शैक्षिक प्रमाण पत्र बोकेर बर्षेनी हजारौं नेपाली बिद्यार्थीहरु बिदेशीनु परिरहेकाले नेपाली बिद्यार्थीहरुको बिदेश पलायन रोक्न शिक्षा नीतिमा आबश्यक सुधार गर्न आबश्यक भईसकेको नेता बडालको भनाई थियो ।
नेपालमा अवको शिक्षा नीति कस्तो हुनु पर्दछ भनेर अनेरास्ववियूले बहस थालिसकेको बताउँदै बडालले त्यसका लागि अन्तराष्ट्रिय अभ्यास, बिभिन्न अन्तराष्ट्रिय बिद्यार्थी संगठनहरुसँग सहकार्य र सन्जाल निर्माण गर्ने काम भईरहेको छ । हामी नीति निर्माण गर्ने ठाउँमा नभएपनि खबरदारी गर्ने ठाउँमा छौं । नेपालमा अबको शिक्षा नीति कस्तो हुनु पर्दछ भनेर आबश्यक सुझाव दिन्छौं र नेपालको शिक्षा नीतिमा सुधारमा योगदान दिन्छौं, बडालले भन्नु भयो ।
उक्त अवसरमा कार्यक्रममा सहभागिहरुले नेपाली डायस्पोराको अवस्था, नेपाल सरकार तथा पार्टीले ध्यान दिनु पर्ने सवालहरु लगायत बिभिन्न बिषयबस्तुहरुको वारेमा जानकारी गराएका थिए ।
